يا بعد ماي (liver).....!!?

[د.قـgـaـلـaـgـق]

السلام عليكم .....مرحبا للجميع
ان شاء الله ربي يوفقنا جميعا يارب ................حبيت اسأل عن درس الكبد قالوا انه ما هو معنا في العملي وهذا الشي انا متأكد منه لكن ما ادري هل داخل معنا في النظري والا لا ؟؟؟ وشكرا

[sambussa]

وعليكم السلام ..

اللي اعرفه ان الكبد داخله معنا بالعملي والنظري ..

موفق :)

[الهلالي الاصيل]

السلام عليكم
الدكتور احمد فتح الله يقول ---داااااااااااخل معنا
وفيه رواية ان الدكتور ابو المكارم قال مو داخل معنا لاعملي ولانظري
طبعا انا بروحله السبت واتاكد منه
وتقبلوا تحياتي ......................

[الشيهان]

طيب يا شباب الدرس انشرح لقروب B ؟؟؟
لان فتح الله يقول لو اخذوه راح يكون داخل !!!!

[RAYAN ALBALLAA]

اللي اعرفه انها داخله معنا في النظري وليس العملي

مع انهم شرحوه لنا في العملي بس يوم المراجعة قالوا لنا انه موب معاكم في العملي

بانتظار تاكيد او نفي الليادرة

[ЧΩSSЄR]

السلام عليكم ورحمة الله

المحاضرة انشرحت بقروب B

وبالنسبة للعملي الدكتور أحمد اللي بالمشرحة الصغيرة شرحها لنا اللفر شرح مفصل

وقالنا عن الاشياء اللي بيجيبونها بالاختبار العملي

لكن بالمراجعة ما ذكروا اي شئ عنها !! وانا استغربت بعد


شئ أخير..,,

بالنسبة للـsmall and large intestine هل فيه شئ محذوف بالنظري ؟؟؟

وعظام الpelvic هل نحفظ كل البيانات اللي عليها أو بس اللي متعلقة بالابدومن

لان pelvicراح ندرسه من جديد في الترم الثاني وبشكل مفصل


بأنتظار الليادرة الفضلاء :)

تقبلوا تحياتي ....,,,:)

[مقص و شاش]

99,99 % بدت تشتغل >>>> ما يعرفها الا سعد ض1


الله يستر من الجاي :(

[Dr.medicine]

والله اذا امدانا بذاكر كل شيء لأن صرت معقد بعد مادخلت كلية الطب
وعلى فكرة ترى فيه اشياء محذوفة من بين المواضيع اللي داخلنا معنا علشان كذا ما ادري وش اللي معانا ووش اللي مو معانا
ع العموم ماودنا نروح للقسم كلنا ونسأل اللي متعود ودايم يروح يحدد بالله يسأل ويجيب لنا العلم الأكيد ,,,,

[د.قـgـaـلـaـgـق]

((اختلفوا العلماء)) ما قصرتم جميعا والله يوفقكم بس اللي يتأكد ياريت يعطينا خبر ....والشكر للجميع

[zoom]

د. وليد قال لنا بالمشرحه إنه الـ Liver مطلوب بالنظري فقط وغير مطلوب بالعملي

:)

[Dr.medicine]

^^^^
صح انا قالها لي وليد وبعد bile duct , cystic duct مو معانا ما ادري وش المسمى تبعهم بس اتوقع سيستم داكت كله مو معنا بالعملي

لكن مو مهم الاهم النظري ماندري وش الاكيد ..؟؟؟؟

[THE ANATOMIST]

شبــــــــــــــــــــــــــــــــــــــــــــــــاب ......


عندي لكم ,,, خبر طاااازه !!!!


قبل يومين كنا قدام المشرحة ... حوالي 15 طالب .. وكان الدكتور سعيد ابو المكارم معنا ..

فسئلوه الشباب عن الliver فقال ....

"درس اللفر والدودنم مش دخله لا بالنزري ولا بالعملي" !!!!!!!!!!!

قلنا يادكتور ... المعيدين قالو مطلوبه بالنظري بس مو بالعملي ..

قال "تسمعوا مني انا ولا من غيري !! " ... قلنا الا منك قال "يبئا خلاص" ومشى !!!!

<<< احس ان مقص وشاشه بيصفقني على اخبار 99.99%

عموما يبقى قسم الاناتومي بطل ((النكبات)) ...


فأتمنا من الليدر يشيك عليهم رسميا !

ودمتم بود ,,,

[RAYAN ALBALLAA]

في انتظار تاكيد الليادرة

[الهلالي الاصيل]

السلام عليكم
انا رحت للدكتور ابو المكارم مرتين وقاااااااااااااااااااااااااال ان الليفر مهو معنا
بس المشكلة اني سألت الدكتور احمد فتح الله بنفس اليوم اللي سألت الدكتور سعيد المرة الاولى وقال انه معااااانا
مما اثبتلي ان القسم هذا نكبة
من راي اللي يمديه يمر على الليفر -------- كله درس واحد مو مستاهل انك تحوسون نفسكم عشانه

[Dr.M&M]

عندي لكم خبر أكيد مو 99.99 إلا 100%

الدكتور وليد وبالتحديد يوم الاربعاء لما قعد يشرح على كديفر محسن بآخر الدوام سألوه طلاب عن الليفر وقال بالتحديد إني كلمت الدكتور سعيد(لاتسألوني منهو سعيد ) وقلتله إن آخر درس كان مضغوط .... إلخ
الخلاصة إن الليفر محذوف
أو بالأحرى عشان ماحد يجي ينط في وجهيي أقوله هذا اللي قاله د.وليد

وسألت د. محسن الابر ليمب كم عليه من درجة قالي عليه ست فقرات .. فإذا كان الاختبار زي الكات1 معناها عليه 1.25 درجة

موفقين ولاتنسونا بالدعاء

[د.مجهول الهويه]

ماذا دهاكم..الطلاب يقولون سالنا الدكاتره وهم اجابونا...بالنفي بان الكبد ليست داخله..

من اراد ان يصدق فليصدق ومن لم يرد ان يصدق فليذاكرها ...وعن نفسي انا لن اذاكرها..

كاني سمعت خبر يقول بان الاثنى عشر والامعاء الدقيقه ليست معنا بالعملي!! او ماذا بالضبط

ارجو الافاده!!!

[مقص و شاش]

ثكلتك امك يا ابا قحافة ض1

( ياخي ذكرتني بمسلسل خالد بن الوليد :) )

[أبومشعل]

بدينا نضيع زي ماصار لنا الكات الاول ....المشكلة وين الليادر !!!

انا والله مو زي القلة اللي ماتقدر دور الليدر ..والله اني داري وحاس بتعبكم وحنا دايم ندعيلكم على المجهود اللي تبذلونه

لكن ماشفت زي سحبتكم بالاناتومي ..ليه دايم نضيع بها !!!

يا د. البراء . ويا د. سعد ... ياليت اذا واحد منكم شطف هالموضوع يعطينا الزبدة وبلاش سالفة ابو المكارم قالي وفتح الله قال ووليد قال .. نبي الخبر من الليدر علشان اذا طلع من اللي قالنا الليدر يقدر ليدرنا العزيز يحاج القسم عن الغلط اللي سواه !

وشكرا

همسه لليادر : 17 رد وانا هالحين 18 .. ولاحد رد رد منكم ياسعد والبراء ! :)


!

[مقص و شاش]

888888888888888

حبيبي تبغاهم يروحون يدورن ابو المكارم في سكن الدكاترة !!!

[د.مجهول الهويه]

اخي مقص وشاشه

ماذا عملت لك .. بقولك ثكلتك امك!!

سامحك الله ...

نعيب زماننا والعيب فينا ******وما لزماننا عيب سوانا

[مقص و شاش]

ياخي احس انك جاي من وحدة من مسلسلات العصر الاموي ودخلـ(ن) على منتدانا بالغلط ض1


اعذرني بس حبيت الطف الجو شوي ... ترانا زهقانين بما فيه الكفاية يا المتنبي :)

[Dr.Sugar]

قالوا لنا اللفر والديودنم مو معنا لا بالعملي ولا النظري

[مقص و شاش]

88888888888888888

مشكوووورة ... والله يوفقك إن شاء الله :)

[ЧΩSSЄR]

ياخي احس انك جاي من وحدة من مسلسلات العصر الاموي ودخلـ(ن) على منتدانا بالغلط ض1

:)




منجججججججججججد !!!!!!!

أخي الكريم مقصٌ وشاشةً أما بعدٌ فأنٍي لاحًظتُ مثِلمًا لاحظٍت للتًو
أنه ُ ريثما يصير ثــقــيــل دم !!!<< يرحم أمك لاتتكلم فصحى ض2


بالتوفيق للجميييع :)